Sektori për Punë të Brendshme (SPB) Tetovë ka parashtruar njoftim kundër një 16-vjeçari nga fshati Shipkovicë dhe një 16-vjeçari nga fshati Gajre, për shkak të dyshimit se kanë kryer veprat penale “dhunë” dhe “rrezikim i sigurisë”.
Sipas njoftimit zyrtar, më datë 20.02.2026 në fshatin Shipkovicë, të denoncuarit e kanë sulmuar fizikisht personin Z.I. në oborrin e tij.
Gjatë incidentit, i denoncuari i parë, përveç sulmit fizik, e ka kërcënuar viktimën edhe me armë automatike.
