Maqedoni

Reagim në lidhje me Pres – konferencën e djeshme të ministrit të Transportit dhe Lidhjeve

Picture of Autori

Autori

Portali Tetova

June 27, 2024, 02:06

Pretendimet e thëna në pres- konferencën e ministrit të Transportit dhe Lidhjeve, Aleksandar Nikollovski, pas konstatimeve të Entit Shtetëror të Revizionit, për punën e Ndërmarrjes Publike për Rrugë Shtetërore, i hedhim si të pavërteta dhe të pabaza, me prapavi politike.
Të nderuar,
Opinioni është i informuar se gjatë periudhës së kaluar NPRRSH ka realizuar nivel rekord të investimeve kapitale në infrastrukturën rrugore, me qëllim të përmirësimit të rrjetit rrugor, ndërtimit të autostradave, të mirëmbajtjes dhe përmirësimit të infrastrukturës rrugore për qarkullim të sigurtë të trafikut në mbarë vendin.
Vitin e kaluar, gjithashtu, është regjistruar nivel rekord i të hyrave nga taksat rrugore, dhe është vënë në funksion pagesë elektronike të tasës rrugore.
Në periudhën e njëjtë, janë bërë përpjekje të mëdha për mirëmbajtjen e rregullt të rrugëve për siguri më të madhe dhe qarkullim më të sigurtë të trafikut.
Përfundimisht, vitin e kaluar filloi realizimi i projektit më të madh infrastrukturor në historinë e shtetit tonë, përkatësisht ndërtimi i korridoreve evropiane, Korridori 8 dhe Korridori 10D.

Në të gjitha këto projektet, nga ana e NPRRSH-së dhe udhëheqësisë së saj, janë respektuar të gjitha procedurat ligjore, për të cilat ekziston dhe dokumentacion adekuat. Nga ana tjetër, për të gjitha këto, opinioni është informuar në kohë, në mënyrë transparente dhe të përgjegjshme, dhe atë në të gjitha fazat e realizimit të projekteve në të cilat ka punuar Ndërmarrja.

Të nderuar,
Me këtë rast, që gjërat të jenë më të qarta me informacione të vlefshme dhe relevante, edhe një herë duam që t’i afirmojmë detajet e projekteve kryesore që u theksuan në pres konferencën e djeshme:
– Projekti për ndërtimin e autostradës, aksit rrugor Kërçovë – Ohër, vlera e Marrëveshjes është rritur me Ligjin për ndryshimin dhe plotësimin e Ligjit për realizimin e projekteve infrastrukturore për ndërtimin e aksit rrugor Milladinovci – Shtip dhe aksit rrugor Kërçovë – Ohër, të publikuar në Gazetën Zyrtare nr.208 më datë 14.11.2018.
– Projekti segmenti i dytë TEN-T Projekti për autostradën nga Shkupi deri në kufirin me Kosovë, shuma e vlerësuar nga 112 milionë euro është rritur në 198 milionë euro, nga zyra e konsulencës teknike të pavarur– Atkins, e angazhuar nga BERZH-i, në bashkëpunim me projektuesin Konsorciumin Hill International, të përzgjedhur përmes IPF 7 me grante nga Komisioni Evropian. Gjatë përzgjedhjes së shtëpisë konsulente dhe projektuesit, NPRRSH nuk ka pasur dhe nuk mund të ketë ndonjë ndikim.
– Projekti në IPA II – Ndërtimi i aksit rrugor Gradsko – Drenovë.
Theksojmë se në IPA Strukturën operative, Ministria e Financave – CFCD i ka detyrimet e “Organit kontraktues” , ndërsa Ministria e Transportit dhe Lidhjeve është “përdorues”, ndërsa Ndërmarrja Publike për Rrugë Shtetërore është “shfrytëzues i fundit”.
Rolet dhe përgjegjësitë e tre subjekteve janë të rregulluara me Marrëveshjen operative të Programit sektorial operativ të transportit 2014 – 2020, ku CFCD ka përgjegjësinë për zbatimin e procedurave së tenderit, lidhjen e marrëveshjeve dhe realizimin e pagesave për aktivitete të finansuara nga BE.
Ndërmarrja Publike për Rrugë Shtetërore si “shfrytëzues i fundit” i ndërmerr dhe i ka realizuar në kohë të gjitha detyrimet nga aspekti teknik për të cilat është kompetente sipas Marrëveshjes operative.

Të nderuar,

Unë, si Drejtor dhe Ndërmarrja Publike për Rrugë Shtetërore, jemi në dispozicion për të gjitha institucionet kompetente, për çfarëdo lloj kontrolli dhe revizioni të punës sonë, që edhe një herë të konfirmohet puna ligjore përmes realizimit të Programeve vjetore të punës së NPRSH-së, gjatë periudhës së kaluar, për të cilat dëshmojnë edhe vet rezultatet e arritura të Ndërmarrjes.
Për fund të këtij reagimi, apelojmë që mos të transmetohen të pavërteta dhe shpekulime në opinion lidhur me punën e NPRSH-së dhe menaxhmentit të saj, për shkak se të pavërtetat e tilla dëmtojnë imazhin e vet ndërmarrjes, të personave udhëheqës dhe të të gjithë punonjësve.
Ndërmarrja Publike për Rrugë Shtetërore është një institucion që meriton respektin më të madh për shkak të rezultatetve të saja të arritura gjatë periudhës së kaluar, prandaj duhet lënë anash agjendat ditore politike.

Me respekt,
Ejup Rustemi
Drejtor i Ndërmarrjes Publike për Rrugë Shtetërore.

Tetova1 në Youtube

Mos e humb

IMG_3155
UEFA Champions/ Shorti i play-offit, Real Madridi – Manchester City
IMG_2744
Zyrtare: Fabrice Tamba nënshkruan me Shkëndijën e Tetovës
IMG_2170
Musa Selimi, njeriu i sukseseve të mëdha
IMG_1970
Kristiano Ronaldo, një makineri e golave që s’ka të ndalur
IMG_1558
Shqiptari i Gostivarit hedh hapat e parë si trajner në futbollin Gjerman (FOTO)

Më shumë nga kategoria

IMG_1970
Kristiano Ronaldo, një makineri e golave që s’ka të ndalur
IMG_1558
Shqiptari i Gostivarit hedh hapat e parë si trajner në futbollin Gjerman (FOTO)
IMG_1237
Klube të mirënjohura synojnë transferimin e Edon Zhegrovës
IMG_1188
Enis Bardhi largohet nga Trabzonspori, ekipi i ndau plakatë mirënjohjeje
IMG_9346
Broja luan titullar në humbjen e Everton, Manchester City rikthehet te fitorja
IMG_8466
Skenë e papranueshme në Tiranë, bokseri serb del në ring me këngë anti-Kosovë
IMG_8352
Masar Omeragiq zyrtarisht kryetar i ri i FFM-së: Nga nesër fillojmë me punë intensive
IMG_8293
Sot zgjedhjet kryetari i ri i FFM-së
IMG_8197
Mbape: Luka Modriçi ka më shumë tituj se sa unë që kam vjetë!
IMG_4222
“Jemi miq edhe përkundër moskuptimeve”, Kurti për marrëdhënien me SHBA-në: Nuk mund të pranoj gjithçka që më kërkojnë…
IMG_4220
“Do të forcojmë ushtrinë”, marrëdhëniet me Shqipërinë, Kurti: Pres më tepër mbështetje, por sukseset që kemi pasur janë të pamohueshme
IMG_4218
“Ka 48 baza serbe në formë patkoi”, Kurti në Top Story për dialogun: Nuk vrapoj unë pas Vuçiçit në Beograd për të nënshkruar marrëveshjet
IMG_4200
Dy vëllezërit shqiptar Boletin Hasani dhe Fitim Hasani, pronar të klubit futbollistik në Zvicër, biznesmen të suksesshëm
IMG_4203
Lëvizja BESA befason në Saraj, prezencë madhështore në kuvendin e degës
Edi Rama
Rama për zgjedhjet në Kosovë: Jam mik dhe i respektoj të gjithë, nuk kam asnjë preferencë