Një shofer vdiq në mes të rrugës në lagjen Maxhari, në rrugën për në “Kvantashki Pazar” ose “pazari me shumicë”, në Shkup pasi më parë arriti të ndalonte automjetin që po drejtonte.
Sipas informacioneve fillestare, shkaku besohet të jetë një problem shëndetësor.
Jozyrtarisht, rasti është raportuar nga kalimtarë të rastit, pas së cilës një ekip mjekësor i urgjencës mbërriti në vendngjarje. Pavarësisht ndërhyrjes, mjekët nuk mundën ta shpëtonin.
Pritet që ekipet e policisë të mbërrijnë në vendngjarje dhe të kryejnë një inspektim, pas së cilës do të dihen më shumë detaje rreth shkaqeve të vdekjes.
