Bullgaria zgjedh një grua presidente, për herë të parë në historinë e vendit

Iliana Jotova ka fituar raundin e dytë të zgjedhjeve presidenciale në Bullgari, duke hyrë në histori si gruaja e parë e zgjedhur presidente e vendit. Sipas rezultateve pothuajse përfundimtare të Komisionit Qendror të Zgjedhjeve, me 99,95% të procesverbaleve të numëruara, kandidatura e Jotovës dhe Kiril Valtçevit siguroi 57,58% të votave, ose rreth 1,1 milion vota. Ndërkohë, rivalët e tyre, Andrej Gjyrov dhe Georgi Kandev, morën 39,47%, që përkthehen në rreth 749.500 vota. Pjesëmarrja në zgjedhje ishte e ulët.

Fitorja e saj vjen pas një karriere të gjatë në politikën bullgare. Jotova kishte marrë detyrën e presidentes në janar të vitit 2026, pas dorëheqjes së paraardhësit të saj, Rumen Radev, duke ushtruar fillimisht funksionin si pasuese kushtetuese. Me rezultatin e zgjedhjeve të fundit, ajo siguron mandatin presidencial përmes votës së qytetarëve.

Më shumë për këtë

Në Bërvenicë sot votohet në raundin e dytë të zgjedhjeve lokaleMaqedoni · 1 ditë më parëNesër raundi i dytë i zgjedhjeve në Bërvenicë, sot votojnë 107 persona të sëmurëMaqedoni · 2 ditë më parëZgjedhjet në Izrael, Netanyahu rrezikon të humbasë pushtetin pas vitesh në krye të venditLajme · 1 javë më parë