Kryeministri izraelit Benjamin Netanyahu bëri një “vizitë të fshehtë” në Emiratet e Bashkuara Arabe gjatë luftës SHBA-Izrael me Iranin dhe u takua me presidentin e Emirateve të Bashkuara Arabe, Mohammed bin Zayed Al Nahyan.
Sipas zyrës së kryeministrit izraelit, vizita rezultoi në një “përparim historik” në marrëdhëniet midis Izraelit dhe Emirateve të Bashkuara Arabe, tha Zyra e Kryeministrit Izraelit (PMO), pa përmendur se kur ndodhi udhëtimi. Njoftimi shënoi herën e parë që Izraeli ka pranuar publikisht një udhëtim të Netanyahut në Emiratet e Bashkuara Arabe.
“Përparimi historik” mund t’i referohet vendosjes së një baterie izraelite të Kupolës së Hekurt në Emiratet e Bashkuara Arabe.
Më herët këtë muaj, CNN raportoi se Netanyahu urdhëroi fshehurazi ushtrinë izraelite të dërgonte në Emiratet e Bashkuara Arabe një bateri të sistemit të projektuar për të kapur predha me rreze të shkurtër veprimi, si dhe ushtarë për ta operuar atë.
Në atë kohë, disa zyrtarë izraelitë i thanë CNN-së se, ndërsa Emiratet e Bashkuara Arabe distancohen nga aleatët e tyre tradicionalë për shkak të qëndrimit të tyre ndaj luftës së Iranit, Izraeli sheh një mundësi të paprecedentë për të forcuar më tej lidhjet midis dy vendeve.
