Një zjarr ka shpërthyer në një deponi të egër të mbeturinave në afërsi të fshatit Nerasht, ku kanë intervenuar ekipet e zjarrfikësve për ta vënë situatën nën kontroll.
Pamjet nga vendi i ngjarjes tregojnë tym të dendur që është përhapur në zonë, ndërsa zjarri ka përfshirë grumbujt e mbeturinave të hedhura në mënyrë të paligjshme.
Zjarret në deponitë e egra dhe në hapësirat e hapura janë bërë një dukuri gjithnjë e më e shpeshtë gjatë kësaj periudhe, duke shkaktuar ndotje të madhe të ajrit dhe rrezik për përhapjen e flakëve drejt zonave përreth.
Autoritetet u bëjnë apel qytetarëve që të shmangin ndezjen e zjarreve në ambiente të hapura dhe të raportojnë menjëherë çdo vatër zjarri, me qëllim parandalimin e pasojave më të mëdha.
