Turqia ka shënuar një hap të rëndësishëm në forcimin e infrastrukturës së saj ushtarake me ndërtimin e kompleksit të ri gjigant Ay-Yıldız (Ylli dhe Gjysmëhëna), i cili pritet të shërbejë si qendra kryesore e Ministrisë së Mbrojtjes dhe e selive të degëve të ndryshme të forcave të armatosura, përcjell tetova1
Projekti ambicioz, i cili është zhvilluar gjatë pesë viteve të fundit, synon të krijojë një qendër moderne komanduese të krahasueshme me Pentagonin amerikan.
Faza e parë e kompleksit u përurua disa ditë më parë, në prag të samitit të NATO-s, i cili zhvillohet më 7 dhe 8 korrik.
Kompleksi Ay-Yıldız do të jetë i pajisur me teknologji të avancuara të sigurisë dhe mbrojtjes, duke përfshirë sisteme të sigurisë kibernetike, mbrojtje balistike, mbrojtje ndaj kërcënimeve kimike, biologjike, radiologjike dhe bërthamore (CBRN), si dhe zgjidhje moderne inxhinierike.
Sipas autoriteteve turke, falë standardeve të larta të sigurisë dhe konceptit të mbrojtjes së integruar, që përfshin edhe elemente të ngjashme me një “Kupolë të Hekurt”, Ay-Yıldız pritet të jetë një nga selitë ushtarake më moderne dhe më të sigurta në botë./tetova1.mk
