Largohen shitësit ilegalë edhe nga Qendra Klinike në Shkup

Dje, shërbimet inspektuese kryen një aksion të koordinuar në disa lokacione në Shkup, duke larguar shitësit ambulantë ilegalë në Qendrën Klinike, Tregun e Gjelbër dhe Bunjakovec.

Aksioni u krye nga Inspektorati i Qytetit të Shkupit, në bashkëpunim me Inspektoratin Shtetëror të Tregut, Agjencinë e Ushqimit dhe Veterinarisë dhe Inspektoratin e Komunës Qendër.

Lexo edheDigjet kioska pranë qendrës së Tiranës, protestuesit i vënë flakën dhe largohen

Qyteti i Shkupit informon se qëllimi i kontrolleve është vendosja e rendit komunal, parandalimi i tregtisë së paligjshme, mbrojtja e sipërfaqeve publike dhe sigurimi i kushteve të barabarta për të gjithë tregtarët që veprojnë në përputhje me rregulloret ligjore.

“Nuk do të lejojmë që zonat publike të uzurpohen dhe të përdoren për shitje të paligjshme”, tha Qyteti i Shkupit.

Ata njoftojnë se kontrollet inspektuese dhe aktivitetet e koordinuara do të vazhdojnë në periudhën në vijim, me qëllim ruajtjen e rendit komunal dhe respektimin e ligjeve në të gjithë qytetin.