Kryeministri izraelit Benjamin Netanyahu ka deklaruar se autoritetet ende po hetojnë nëse piloti i një avioni të Flydubai, i cili dyshohet se u përpoq ta rrëzonte atë, ka vepruar i vetëm apo është dërguar nga persona të tjerë.
“Me kalimin e kohës, pamja bëhet më e qartë”, tha Netanyahu në një video të publikuar nga zyra e tij.
Ai vlerësoi reagimin e pilotit Yaniv Hayoun dhe personave të tjerë që ndërhynë për të parandaluar atë që e përshkroi si një katastrofë të mundshme të përmasave të ngjashme me sulmet e 11 shtatorit.
Sipas Netanyahut, autori i dyshuar kishte kaluar nëpër një proces radikalizimi islamist. “Aktualisht po sqarojmë nëse është dërguar nga dikush tjetër”, tha ai, duke shtuar se çdo person që rezulton të jetë përgjegjës do të përballet me pasoja.
Lexo edheNetanyahu thotë se Izraeli do të përballet me presion ndërkombëtar për të pranuar Iranin si fuqi bërthamoreNdërkohë, piloti indian Smit Machhar ka treguar se si arriti të ndërhynte, pavarësisht se ishte plagosur gjatë incidentit. Në një video-telefonatë me kryeministrin indian Narendra Modi, ai tha se ishte i shtrirë në dyshemenë e kabinës, por bëri një përpjekje të fundit për të hapur derën nga brenda.
Sipas dëshmisë së tij, pasagjerë dhe persona të tjerë ndërhynë më pas për të ndihmuar në kontrollimin e situatës.
“Po luftoja për jetën time, por në të njëjtën kohë e dija se nuk do t’i lija të tjerët të vdisnin”, tha Machhar.
Hetimet vijojnë për të përcaktuar rrethanat e plota të incidentit dhe nëse pas sulmit qëndronin persona të tjerë.
Më shumë për këtë
Rrëzohet avioni luftarak serb MiG-29, humb jetën pilotiRajon · 2 ditë më parë
Kreu i Mossadit zbarkon në Uashington, çfarë po përgatitet kundër Iranit? Trump përballë presionit të NetanyahutLajme · 6 ditë më parë
Eisenkot akuzon Netanyahun për “fushatë raciste dhe agresive” kundër pakicës arabe në IzraelLajme · 5 ditë më parë
Komentet
Bëhu i pari që komenton.












