Komuna e Tetovës dhe Sindikata e Punëtorëve kanë nënshkruar marrëveshje për rritjen e pagave të administratës komunale.
Sipas marrëveshjes, duke filluar nga muaji i ardhshëm, paga bazë e të punësuarve në administratë do të rritet për 7%, ndërsa kjo rritje do të vazhdojë për tre vite me radhë.
Nga Komuna theksojnë se ky vendim është në funksion të përmirësimit të kushteve për punonjësit dhe motivimit të administratës komunale, duke vlerësuar angazhimin dhe punën e tyre të përditshme.
Përfaqësuesit e komunës dhe të sindikatës vlerësuan se bashkëpunimi institucional mbetet kyç për avancimin e të drejtave dhe mirëqenies së punëtorëve.
