Ministria për Punë të Brendshme (MPB) ka njoftuar sot se ka arritur të zbardhë rastin me eskortën e kryetarit të Parlamentit Afrim Gashi dhe kalimin e dasmorëve pa kontroll policorë në kalimin kufitar Bllacë. Sipas MPB është konstatuar fajësi për 6 policë të punësuar në këtë kalim kufitar dhe ndaj të njëjtëve është ngritur proceduar disiplinorë.

“Departamenti për kontroll të brendshëm, hetime kriminale dhe standarde profesionale në MPB ka zbardhur rastin e datës 17.08.2024 në pikën kufitare “Bllacë” gjatë sigurimit të një delegacioni të kryetarit të Kuvendit, Afrim Gashi dhe pas kontrollimit të materialeve zyrtare, analizës së video mbikëqyrjes dhe bisedat me zyrtarët policorë, për shkak të shkeljes së rendit dhe disiplinës së punës Departamenti i Kontrollit të Brendshëm, do të përgatisë propozime për fillimin e procedurës për përcaktimin e përgjegjësisë disiplinore ndaj punonjësve të policisë NR, MS, AB, BA, NB. dhe B.S.”, thuhet në njoftimin e MPB-së

Ndryshe LSDM-ja gjatë ditës së djeshme i tërhoqi vërejtjet Ministrit të brendshëm Toshkovski të mos tentoj fajësinë për këtë ngjarje tua hedhë policëve të kalimit kufitar në Bllacë. Sipas tyre fajtori kryesor është shefi I Policisë Kufitare Veri Naim Ramuka që është emëruar në këtë postë po nga Toshkovski.