Haxhiu në Shkup: Nuk presim ndryshime në qasjen e Serbisë ndaj Kosovës

Kryetarja e Kuvendit të Kosovës, Albulena Haxhiu, ka deklaruar se nuk pret ndryshime të mëdha në qasjen e Serbisë ndaj Kosovës, pavarësisht rënies së presidentit serb, Aleksandër Vuçiq.

Haxhiu tha se është e rëndësishme që regjimet autoritare të ndëshkohen, por shprehu rezerva nëse ndryshimet politike në Serbi do të sjellin edhe ndryshim të mendësisë ndaj Kosovës.

“Së pari është shumë e rëndësishme që regjimet autoritare të ndëshkohen. Nuk kemi shumë besim që do të ndryshojë shumë mendësia atje në Serbi. Megjithatë, Republika e Kosovës do të qëndrojë e fortë përballë çdo sfide që ka para vetes”, tha Haxhiu para mediave në Maqedoninë e Veriut, sot gjatë vizitës atje.

Lista Studentore, e cila doli nga protestat kundër korrupsionit në Serbi, ka fituar zgjedhjet e parakohshme parlamentare të 25 shtatorit 2026, duke i dhënë fund dominimit 14-vjeçar të Partisë Përparimtare Serbe (SNS), të udhëhequr nga Aleksandar Vuçiq.

Lexo edheKasami pret në Shkup Kryetaren e Kuvendit të Kosovës, Albulena Haxhiu: Diskutohet për projektet infrastrukturore dhe bashkëpunimin dypalësh

Përfaqësuesi i Listës Studentore në Serbi, Illija Sërdanoviq, në një intervistë për Radio Evropa e Lirë, ka thënë se vazhdimi i dialogut për çështjen e Kosovës është pjesë themelore e planit të tyre politik.

“ Mbetemi të hapur dhe lëmë hapësirë për dialog të hapur dhe për zgjidhjen e çështjeve, para së gjithash, në interes të qytetarëve tanë dhe të të gjithëve në bashkësinë ndërkombëtare”, ka deklaruar Sërdanoviq.

Megjithatë, ai ka theksuar se marrëveshjet e arritura më parë mund të rishqyrtohen për të vlerësuar nëse janë në përputhje me Kushtetutën e Serbisë.

Më shumë për këtë

Nesër kufizime në komunikacionin në qendër të Shkupit për vizitën e Albulena HaxhiutMaqedoni · 1 ditë më parëVuçiq e pranon humbjen, Lista Studentore pritet të fitojë shumicën në Parlamentin e SerbisëRajon · 2 ditë më parë