Numri i rasteve të konfirmuara me Ebola në Republikën Demokratike të Kongos ka tejkaluar katër mijë, për herë të parë që nga fillimi i epidemisë aktuale, sipas të dhënave të autoriteteve shëndetësore.
Sipas të dhënave më të fundit të Institutit të Shëndetit Publik të Kongos, deri më tani në vend janë konfirmuar 4.053 raste me Ebola, ndërsa 1.850 persona kanë humbur jetën si pasojë e kësaj sëmundjeje.
Epidemia filloi në fund të muajit prill të këtij viti, ndërsa shkalla e vdekshmërisë aktualisht është 43,9 për qind. Sipas Organizatës Botërore të Shëndetësisë (OBSH), rreth 90 për qind e rasteve janë regjistruar në provincën verilindore Ituri, pranë kufijve me Ugandën dhe Sudanin e Jugut.
Ebola është një sëmundje virale shumë ngjitëse që transmetohet përmes kontaktit të drejtpërdrejtë ose lëngjeve trupore.
Gjatë epidemisë së mëparshme të madhe të Ebolës, e cila përfshiu Republikën Demokratike të Kongos nga viti 2014 deri në vitin 2016, u regjistruan rreth 28 mijë të infektuar, ndërsa më shumë se 11 mijë persona humbën jetën. Atëherë, brenda tetë muajve nga shpërthimi i epidemisë, nga kjo sëmundje vdiqën një mijë persona.
Komentet
Bëhu i pari që komenton.
