Ka ndërruar jetë në moshën 77-vjeçare prof. Ymer Reka, një nga njerëzit që qëndroi në themelet e KF Shkëndija dhe sekretari i parë i klubit tetovar.
Emri i Ymer Rekës lidhet ngushtë me fillimet e Shkëndijës. Ai ishte pjesë e grupit të intelektualëve dhe veprimtarëve tetovarë që morën përsipër formimin dhe regjistrimin e klubit, në një periudhë kur kjo nismë përballej me shumë pengesa.
Reka nuk u shkëput nga Shkëndija as më vonë. Në vitin 1991, gjatë rithemelimit të klubit, ishte pjesë e kryesisë dhe dha kontribut të rëndësishëm organizativ dhe financiar.
Për shumë vite, dyqani i tij në qendër të Tetovës ishte edhe një pikëtakim për njerëzit e Shkëndijës, ku diskutoheshin çështjet dhe e ardhmja e klubit.
Me ndarjen nga jeta të prof. Ymer Rekës, Shkëndija humbi një nga njerëzit që kontribuuan në ndërtimin e historisë së saj.
Komentet
Bëhu i pari që komenton.
