Kompania koncesionare e autostradës Milot–Morinë, “Albanian Highway Concession” (AHC), ka kërkuar rishikimin e tarifës së kalimit nga 5 në 8 euro, sipas një dokumenti që po qarkullon në rrjete sociale.
Rritja e kërkuar do të ishte 60 për qind, ndërsa autenticiteti i dokumentit dhe miratimi eventual i kërkesës nuk janë konfirmuar zyrtarisht.
Dokumenti paraqitet si një memo e Njësisë së Zbatimit të Projektit “Milot–Morinë”, pranë Ministrisë së Infrastrukturës dhe Energjisë së Shqipërisë, drejtuar ministrit Enea Karakaçi. Në të përmblidhen pretendimet e koncesionarit për rishikimin e tarifës dhe ndikimet financiare në detyrimet e ndërsjella sipas kontratës.
Komentet
Bëhu i pari që komenton.
