Arabia Saudite marrëveshje 1 miliard dollarëshe me Iranin për të ndaluar sulmet e Huthit

Një marrëveshje e mundshme financiare me vlerë 1 miliard dollarë, në këmbim të ndalimit të sulmeve të rebelëve Huthi ndaj Arabisë Saudite, raportohet se ka qenë në qendër të një vizite të papritur të ministrit saudit të Mbrojtjes, princit Khalid bin Salman, në Teheran.

Sipas gazetës izraelite _Israel Hayom_, e cila citon burime diplomatike nga vendet e Gjirit, Riadi po shqyrton mundësinë e sigurimit të një armëpushimi me Huthit, të mbështetur nga Irani, përmes një pakete financiare që do të kanalizohej nëpërmjet Teheranit.

Një prej burimeve të cituara ka pretenduar se princi saudit kishte marrë me vete një miliard dollarë gjatë udhëtimit drejt Iranit, me një avion transporti ushtarak Hercules. Megjithatë, ky pretendim nuk është verifikuar në mënyrë të pavarur, ndërsa një zyrtar saudit nuk ka konfirmuar kryerjen e ndonjë transferimi financiar.

Vizita e princit Khalid bin Salman në Teheran është konfirmuar dhe zhvillohet në kuadër të përpjekjeve diplomatike për uljen e tensioneve në Lindjen e Mesme. Në takime kanë marrë pjesë edhe drejtues të lartë nga Turqia dhe Pakistani, përfshirë shefin e inteligjencës turke, Ibrahim Kalin, dhe shefin e ushtrisë pakistaneze, gjeneralin Asim Munir.

Lexo edheHuthi-t: Arabia Saudite kreu mbi 110 sulme ajrore dhe raketore në 24 orë në Jemen, mbi 30 të vrarë e të plagosur

Nga pala iraniane, në bisedime kanë qenë të përfshirë presidenti Masoud Pezeshkian, zyrtarë të sigurisë kombëtare dhe përfaqësues të Gardës Revolucionare. Sipas raportimeve, Irani mund të luajë rolin e ndërmjetësit mes Riadit dhe rebelëve Huthi, në një përpjekje për të parandaluar përshkallëzimin e mëtejshëm të konfliktit dhe për të forcuar ndikimin e tij diplomatik në rajon.

Ministria e Jashtme saudite e ka përshkruar vizitën si pjesë të përpjekjeve për uljen e tensioneve, nxitjen e dialogut dhe mbështetjen e ndërmjetësimit diplomatik. Deklarata zyrtare, megjithatë, nuk përmend ndonjë pagesë prej një miliard dollarësh apo marrëveshje financiare me Huthit.

Në qendër të negociatave qëndrojnë edhe angazhimet e mëparshme për zgjidhjen e konfliktit në Jemen. Sipas raportimeve, Arabia Saudite kishte shqyrtuar më herët mundësinë e financimit të pagave të nëpunësve civilë në zonat e kontrolluara nga Huthit, si dhe të rindërtimit të infrastrukturës civile të dëmtuar nga lufta.

Më shumë për këtë

Privatësia që kushtoi 25 miliardë dollarë, Meta merr gjobën më të madhe në historinë e sajTeknologji · 5 ditë më parëArabia Saudite lehtëson procedurat e vizave turistike për qytetarët e Kosovës, MPJD-ja jep detajeLajme · 1 javë më parëLehtësohet procedura për viza drejt për shtetasit e Maqedonisë drejt Arabisë SauditeMaqedoni · 6 ditë më parë