Gjykata Themelore në Bijelinë, Bosnje dhe Hercegovinë, ka konfirmuar aktakuzën kundër një personi me inicialet L.Ç., i cili akuzohet nga Prokuroria Publike e Qarkut në Bijelinë për vjedhjen e rreth 2.500 eurove nga një shtëpi familjare në Lopare.
Ajo që e bën këtë vjedhje të pazakontë dhe tronditëse është fakti se i dyshuari dyshohet se e ka shfrytëzuar momentin kur familja po varroste djalin e saj, më 17 maj 2024, në periudhën nga ora 12:00 deri në 15:00.
Sipas Prokurorisë, i akuzuari e ka shfrytëzuar faktin që familja e pronarit të shtëpisë, J.L., ndodhej në varrimin e djalit të tij. Më pas, ai dyshohet se ka hyrë në shtëpinë e pambyllur me qëllim përfitimi të paligjshëm pasuror dhe nga një komodë në dhomën e ndenjës ka marrë një çantë me rreth 2.500 euro para të gatshme, shkruan Avaz.
Paratë janë kthyer po atë ditë, por kjo nuk i ndryshon rrethanat në të cilat, sipas Prokurorisë, është kryer vepra penale.
