Deputetja e VLENIT Saranda Imeri i ka bërë thirrje publike LSDM-së që të mos merren me zv.Kryeministrin Izet Mexhitin dhe ka theksuar se nëse LSDM pretendon se ka parregullsi atëher siç thotë ajo, ajo parregullësi ka nisur në radhët e tyre me një praktikë të vendosur që nga viti 2017.
“Sot jemi këtu para selisë qëndrore të LSDM-së për tu dorëzuar dokumente dhe prova që padyshim tregojnë se nënkryetarja e tyre aktuale dhe ish ministrja e mjedisit jetësor Kaja Shukova ka punuar sipas të njejtit model siç punon sot ministri Izet Mexhiti. Këto dokumente tregojnë se të njëjtat procedura të njejtat praktika arkivore dhe zyrtare që sot i sulmojnë si parti kanë qenë në fuqi për çdo ministër që ka drejtuar këtë institucion në qeveri të LSDM-së përfshirë edhe nënkryetaren e tyre Kaja Shukova”, ka deklaruar deputetja e VLEN-it, Saranda Imeri.
