Irani i gatshëm ta rihapë Ngushticën e Hormuzit brenda 48 orësh, nëse SHBA pranon kushtet e Teheranit

Irani ka deklaruar se mund ta rihapë Ngushticën e Hormuzit brenda dy ditësh, nëse Shtetet e Bashkuara të Amerikës pranojnë kushtet e vendosura nga Teherani.

Zëdhënësi i Ministrisë së Jashtme iraniane, Esmaeil Baghaei, deklaroi të hënën se zbatimi i planit brenda këtij afati do të dëshmonte qasjen e Iranit me mirëbesim.

“Mundësia e zbatimit të këtij plani brenda dy ditësh është një tjetër tregues i qasjes me mirëbesim të Iranit”, tha Baghaei.

Ai shtoi se plotësimi i kërkesave të Teheranit do të mundësonte rikthimin e sigurisë në ngushticë dhe rifillimin e negociatave brenda një kohe të shkurtër.

Lexo edheDy cisterna nafte goditen në Ngushticën e Hormuzit, Irani: Anijet po lundronin në zonë të minuar

Sipas tij, shkëmbimi i mesazheve me Uashingtonin po vazhdon përmes ndërmjetësve, ndërsa vendimi varet nga pranimi i kërkesave iraniane nga pala amerikane.

Kushtet e Teheranit përfshijnë përfundimin e luftës në të gjitha frontet, zhbllokimin e aseteve iraniane jashtë vendit, heqjen e sanksioneve ndaj sektorit të naftës dhe përfundimin e bllokadës detare amerikane ndaj porteve iraniane.

Fillimisht, Irani kishte propozuar një afat prej shtatë ditësh për rihapjen e ngushticës, kur ia kishte paraqitur planin Uashingtonit përmes Katarit në shtator.

Më shumë për këtë

Irani vendos shtatë kushte të reja: Nuk hapim Hormuzin dhe nuk kthehemi në negociata pa garanciLajme · 2 javë më parëKhamenei paralajmëron SHBA-në dhe Izraelin: Irani do të vendosë kur dhe si përfundon luftaLajme · 2 ditë më parëIrani godet katër anije me naftë në Gjirin Persik, IRGC lëshon paralajmërim të ri për ushtrinë amerikaneLajme · 2 javë më parë