Dy shpërthime janë raportuar në Ngushticën e Hormuzit, pasi dy cisterna nafte dyshohet se kanë goditur mina detare gjatë kalimit në këtë korridor strategjik, që ka rëndësi të veçantë për transportin ndërkombëtar të naftës.
Lajmin e bëri të ditur Garda Revolucionare e Iranit, e cila deklaroi se dy anijet po lundronin përgjatë një rruge që autoritetet iraniane e konsiderojnë të paautorizuar.
Incidenti ndodh në një periudhë tensionesh në rajon, ndërsa Irani ka vendosur kufizime për lundrimin e anijeve në Ngushticën e Hormuzit.
Sipas autoriteteve iraniane, këto masa synojnë të kontrollojnë kalimin e mjeteve lundruese në këtë rrugë detare. Teherani ka ndërmarrë gjithashtu sulme ndaj anijeve që, sipas tij, nuk kanë respektuar kufizimet e vendosura.
Lexo edheIrani vendos shtatë kushte të reja: Nuk hapim Hormuzin dhe nuk kthehemi në negociata pa garanciNgushtica e Hormuzit përbën një nga korridoret më të rëndësishme detare në botë, pasi përmes saj kalon një pjesë e konsiderueshme e naftës që transportohet nga vendet e Gjirit Persik drejt tregjeve ndërkombëtare.
Masat e ndërmarra nga Irani lidhen edhe me përpjekjet e Teheranit për të forcuar kontrollin mbi këtë korridor strategjik dhe për të ushtruar presion ndaj Shteteve të Bashkuara.
Deri tani, autoritetet nuk kanë dhënë informacione të hollësishme për identitetin e cisternave, përmasat e dëmeve apo gjendjen e anëtarëve të ekuipazheve. Gjithashtu, nuk është konfirmuar nëse shpërthimet kanë shkaktuar viktima ose persona të plagosur.
Agjencia Reuters raportoi më 1 nëntor se Garda Revolucionare iraniane kishte njoftuar shpërthimin e dy cisternave pasi ato goditën mina gjatë lundrimit në një rrugë që Teherani e konsideron të paautorizuar. Megjithatë, rrethanat e incidentit nuk janë konfirmuar në mënyrë të pavarur
Komentet
Bëhu i pari që komenton.
