Kryeministri i Maqedonisë së Veriut, Hristijan Mickoski, ka reaguar pas humbjes së kandidatit të VMRO-DPMNE-së në zgjedhjet lokale në Bërvenicë.
Përmes një postimi në rrjetet sociale, Mickoski ka deklaruar se partia e tij ishte përballur me të gjithë, duke pretenduar se kundërshtarët kishin përdorur kartën etnike dhe, siç është shprehur ai, ndonjë “kalë trojan” për të tërhequr vota.
Megjithatë, kreu i Qeverisë ka theksuar se votat për kandidatin e tyre janë rritur nga 3.000 në raundin e parë në 4.200, ndërsa në krahasim me zgjedhjet parlamentare, sipas tij, kanë shënuar rritje prej 1.300 votash.
Ai ka pranuar se kjo rritje nuk ishte e mjaftueshme për të siguruar fitoren.
Mickoski ka falënderuar të gjithë banorët e Bërvenicës, pavarësisht nëse kanë votuar apo jo për kandidatin e VMRO-DPMNE-së, duke premtuar se të gjithë do ta kenë mbështetjen e Qeverisë.
Lexo edheVMRO-DPMNE-ja pranon humbjen në Bërvenicë“Një Bërvenicë për të gjithë është më shumë se një koncept, është mënyrë e të punuarit”, ka përfunduar Mickoski reagimin e tij.
Më shumë për këtë
Në Bërvenicë sot votohet në raundin e dytë të zgjedhjeve lokaleMaqedoni · 15 orë më parë
Mickoski: Vlerësojmë se do të fitojmë në Bërvenicë me mbi 4000 vota!Maqedoni · 2 ditë më parë
Mickoski-Rexhepit: Në qeverisjen tuaj 20-vjeçare, 10 mijë persona u larguan nga Bërvenica, 90% shqiptarëMaqedoni · 3 ditë më parë
Komentet
Bëhu i pari që komenton.
