Rinesa Qeriqi, artistja e re e njohur me emrin artistik “Rinessance”, ka ndërruar jetë në moshën 25-vjeçare, pas një beteje të gjatë me tumorin në tru.
Lajmin për vdekjen e Rinesës e ka bërë të ditur motra e saj, Drenisa, përmes një mesazhi prekës në të cilin shprehu dhimbjen për humbjen e parakohshme.
“Mëngjesi i sotëm na erdhi pa ty Rina jonë. Do të mbetesh gjithmonë në zemrat tona, deri në përjetësi. Të duam fort, unë, mami, babi, Buna e Froni. Pusho e qetë shpirt i bardhë. Për shkak që jemi larg, për detajet e funeralit do të ju njoftojmë me kohë”, ka shkruar ajo.
Ndarja nga jeta e artistes së re ka lënë pas dhimbje te familjarët dhe te të gjithë ata që e njohën dhe e mbështetën gjatë rrugëtimit të saj artistik.
Komentet
Bëhu i pari që komenton.
