Një 19-vjeçar nga Shkupi ka denoncuar në polici se është kërcënuar me armë zjarri në zonën e Bit Pazarit.
Sipas informacioneve nga Ministria e Punëve të Brendshme, më 2 korrik 2026, në ora 23:00, në SPB Shkup, V.K. (19) nga Shkupi ka raportuar se rreth orës 20:30, derisa ndodhej së bashku me vëllain e tij dhe një shok për t’u takuar me një person tjetër, kanë ardhur A.B. dhe edhe një person tjetër. Sipas denoncimit, A.B. u ka drejtuar kërcënime me armë zjarri – pistoletë.
Nga MPB njoftojnë se po ndërmerren masa për zbardhjen e plotë të rastit.
