Historia vazhdon të shkruhet nga Cristiano Ronaldo.
Superylli portugez është bërë futbollisti i parë në historinë e Kupës së Botës që arrin të shënojë gol në gjashtë edicione të ndryshme të turneut më prestigjioz të futbollit.
Pas golit të realizuar në Botërorin 2026, Ronaldo theu rekordin e tij historik, duke lënë pas çdo futbollist tjetër që ka luajtur ndonjëherë në Kupën e Botës.
Kapiteni i Portugalisë kishte gjetur rrugën e rrjetës edhe në edicionet e viteve 2006, 2010, 2014, 2018 dhe 2022, ndërsa tani ka shtuar në listë edhe Botërorin 2026, duke vendosur një arritje që duket e vështirë për t’u përsëritur.
Në moshën 41-vjeçare, Ronaldo vazhdon të sfidojë kohën dhe të shkruajë kapituj të rinj në historinë e futbollit botëror.
Rekordi i tij konfirmon edhe një herë jetëgjatësinë e jashtëzakonshme në nivelet më të larta të lojës, teksa ai mbetet një nga figurat më ikonike që ka parë ndonjëherë futbolli.
Golat e Ronaldos në Botëror:
“Gjermani 2006” – 1 gol ndaj Iranit
“Afrika e Jugut 2010” – 1 gol ndaj Koresë së Veriut
“Brazil 2014” – 1 gol ndaj Ganës
“Rusi 2018” – 3 gola ndaj Spanjës dhe 1gol ndaj Marokut
“Katar 2022” – 1 gol ndaj Ganës
“SHBA-Kanada-Meksikë 2026” – 1 gol ndaj Uzbekistanit
Komentet
Bëhu i pari që komenton.
