Fondi për Sigurim Shëndetësor (FSSH) njoftoi se gjatë këtij muaji ka paguar mbi 560 milionë denarë për kompensimet e pushimeve mjekësore, ku pjesa më e madhe e mjeteve është dedikuar për pushimet e lindjes.
Deri më sot, edhe pse muaji ende nuk ka përfunduar, Fondi ka paguar gjithsej 560,9 milionë denarë, prej të cilave:
420,3 milionë denarë për kompensime të lejes së lindjes;
140,6 milionë denarë për llojet e tjera të pushimeve mjekësore.
Pagesat janë realizuar sipas kësaj dinamike:
1–23 korrik: 111 milionë denarë për leje lindjeje dhe 93,5 milionë denarë për pushime të tjera mjekësore;
24 korrik: 25 milionë denarë për leje lindjeje dhe 24 milionë denarë për pushime të tjera;
27 korrik: 198 milionë denarë për leje lindjeje dhe 17,7 milionë denarë për pushime të tjera;
28 korrik: 86,3 milionë denarë për leje lindjeje dhe 5,4 milionë denarë për pushime të tjera.
Sipas Fondit, kjo është shuma më e lartë e paguar ndonjëherë brenda një muaji për kompensimet e pushimit të lindjes, duke konfirmuar përkushtimin e institucionit për të siguruar në kohë mjetet financiare për realizimin e të drejtave të të siguruarve.
Nga FSSH njoftojnë se nuk ka vonesa në pagesën e kompensimeve për lejen e lindjes. Për fillimin e pagesës, kushti i vetëm është që për muajin e parë të jenë paguar kontributet në përputhje me ligjin.
