Ministria e Punëve të Brendshme (MPB) njofton se nesër, më 23 tetor, me rastin e shënimit të festës shtetërore – Ditës së Luftës Revolucionare Maqedonase, do të përdoren mjete ajrore pa pilot (dronë) për incizime nga ajri.
Nga MPB-ja bëjnë të ditur se, për nevojat e organizimit të ceremonisë solemne, hapësira e parkingut pranë Muzeut të Artit Bashkëkohor do të jetë nën masa sigurie nga ora 10:00 deri në orën 23:30. Për këtë arsye, qytetarëve u bëhet thirrje që t’i largojnë automjetet e tyre nga ky parking.
Aktivitetet do të zhvillohen në kuadër të masave të planifikuara për shënimin e festës, ndërsa në lokacione të caktuara do të vërehet prani dhe lëvizje e shtuar e dronëve.
MPB-ja thekson se bëhet fjalë për aktivitete të planifikuara paraprakisht dhe apelon te qytetarët për mirëkuptim, me qëllim që ato të realizohen pa pengesa dhe në mënyrë të sigurt.
Komentet
Bëhu i pari që komenton.
