Vazhdon vala e largimeve nga rradhët e BDI-së në komunën e Tearcës. Aktivisti Besar Limani nga fshati Përshefc ka shpallur dorëheqjen e parevokueshme nga anëtarësia në nëndegën e BDI-së në Përshefc dhe nga këshilli i degës së Tearcës, për t’iu bashkuar koalicionit opozitar VLEN.
“Nga sot, jap dorëheqje të parevokueshme nga anëtarësia ime në BDI – në nëndegën e Përshefcës dhe në këshillin e degës së Tearcës – dhe i bashkohem me bindje vizionit të VLEN dhe mikut tim, Dr. Amir Elezi. I inkurajoj të gjithë shokët dhe bashkëveprimtarët që ende mbeten peng i interesave të ngushta klanore, që të bashkohen në VLEN, si shpresa e re për ndryshim dhe zhvillim në komunën tonë të Tearcës”, deklaroi Limani.
Ky është rasti më i fundit i një vargu largimesh të aktivistëve nga BDI që i janë bashkuar VLEN-it, duke e forcuar bazën e saj në komunën e Tearcës.
