Opens in a new tab
Trendy
Tetova1Tetova1
Lajmi

Rigjykim për spitalin modular në Tetovë, familjarët presin drejtësi

Për dy ditë do të fillojë rigjykimi për zjarrin në spitalin modular në Tetovë ku humbën jetën 14 persona. Gjykimi i parë përfundoi pa dënime me burg, ish-drejtorët e spitalit Florin Besimi dhe Artan Etemi morën dënime me kusht me 18 muaj burg për veprën penale “shkaktim i rrezikut publik”, ndërsa mjeku kujdestar Boban Vuçevski u lirua nga akuzat për veprën penale “mosveprim sipas protokolleve shëndetësore”. Për të njëjtën vepër, Spitali klinik i Tetovës është shpallur i pafajshëm, por si subjekt juridik u dënua me gjobë në shumë prej një milion denarë për “shkaktim të rrezikut të përgjithshëm”. Mirëpo, Apeli i Gostivarit në prill të këtij viti e hodhi poshtë aktgjykimin e shkallës së parë të gjykatësit Jordan Vellkovski dhe e ktheu rastin në rigjykim.

“Mungesa e arsyeve për faktet vendimtare e bën aktgjykimin e ankimuar të paqartë, të pakuptueshëm dhe të papërshtatshëm për shqyrtim të plotë për nga korrektësia, gjë që me të drejtë theksohet në ankesat e deklaruara të të akuzuarve”, njoftojnë nga Gjykata e Apelit, Gostivar.

Familjarët e viktimave shpresojnë se me rigjykimin do të mund të përcaktohet përgjegjësia.

“Edhe në rigjykim gjykatës është Jordan Vellkovski, ndërsa këtë herë në ulësen e të akuzuarve do të ulen ish drejtori i spitalit Florin Besimi dhe ish drejtori ekonomik Artan Etemi. Për mjekun Boban Vuçevski, Apeli e konfirmoi aktgjykimin e shkallës së parë dhe lirohet nga ndjekja e mëtutjeshme penale. Akuza sërish vlen për Spitalin klinik të Tetovës si subjekt juridik”, u shpreh Mumin Ismaili- familjar.

Lexo edheGjykata Supreme shfuqizon aktgjykimet për zjarrin në spitalin modular në Tetovë!

Më 8 shtator 2021, nga zjarri që përfshiu spitalin modular humbën jetën 14 persona të trajtuar nga Covid dhe anëtarë të familjeve të tyre kurse hetimi i prokurorisë në bashkëpunim me ekspertë nga Gjermania rezultoi se zjarri është shkaktuar nga qark i shkurtër i kabllos vazhduese. Procesi i parë gjyqësor zgjati 10 muaj. /Alsat/

Më shumë për këtë

Мilloshoski kërkon përgjegjësi nga Gjykata Supreme për rastet “Llaskarca” dhe “Spitali Modular”Maqedoni · 2 ditë më parëArrestohet drejtori i Spitalit të Mitrovicës, dyshohet se kërcënoi bashkëshorten se do t’i ndodh e njëjta sikur ArlindësLajme · 1 javë më parëKush është Vesna Kamilova, ish-drejtoreshë e spitalit “Sante”, e arrestuar në aksionin për keqpërdorimet me Fondin Shëndetësor?Maqedoni · 1 javë më parë

Komentet

Komentet e para i shqyrton redaksia.

Bëhu i pari që komenton.

Shkruaj komentin e parë

Më shumë lajme