Departamenti Amerikan i Shtetit ka konfirmuar se është njoftuar për vdekjen e shtetasit amerikan Saif Musallat, i cili humbi jetën gjatë një sulmi brutal të kolonëve izraelitë në një zonë veriore të Ramallahut, në Bregun Perëndimor.
Sipas agjencisë palestineze WAFA dhe Ministrisë së Shëndetësisë së Palestinës, Musallat, një i ri në të njëzetat, u rrah brutalisht nga kolonët izraelitë, duke mos i mbijetuar plagëve të marra. Agjencia ndërkombëtare Reuters raportoi se gjatë të njëjtit sulm u plagosën edhe dhjetë persona të tjerë palestinezë.
Ushtria izraelite tha se po e heton incidentin në fshatin Sinjil, duke pretenduar se përplasja shpërtheu pasi kolonët izraelitë u sulmuan me gurë nga palestinezët, çka solli edhe plagosjen e disa kolonëve.
Ndërkohë, Ministria Palestinze e Shëndetësisë njoftoi se edhe një tjetër palestinez, Muhammad al-Shalabi, humbi jetën në të njëjtin incident. Ai u qëllua me armë zjarri dhe u la i gjakosur në tokë për orë të tëra, pa marrë ndihmën më të vogël.
Kombet e Bashkuara dhe organizatat kryesore për të drejtat e njeriut i konsiderojnë vendbanimet izraelite në Bregun Perëndimor si të paligjshme dhe të ndërtuara në shkelje të së drejtës ndërkombëtare, si pjesë e një strategjie të vazhdueshme për zhvendosjen sistematike të popullsisë palestineze.
Ask ChatGPT
