Turqia mohon ndërhyrjen në zgjedhjet izraelite: Akuzat janë fushatë e qëllimshme dezinformimi

Qendra për Luftën Kundër Dezinformimit e Presidencës së Turqisë ka mohuar kategorikisht akuzat për ndërhyrjen e Ankarasë në zgjedhjet izraelite, duke i cilësuar ato si pjesë të një fushate të qëllimshme për manipulimin e opinionit publik.

Në një deklaratë të publikuar në përgjigje të raportimeve në mediat ndërkombëtare dhe postimeve në rrjetet sociale, institucioni turk i ka cilësuar akuzat si të pabaza.

“Akuzat që u shfaqën në disa media dhe platforma të mediave sociale ndërkombëtare, sipas të cilave ‘Turqia ndërhyri në zgjedhjet izraelite’, janë plotësisht të pabaza”, thuhet në deklaratë.

Sipas autoriteteve turke, pretendimet në fjalë janë pjesë e një përpjekjeje të organizuar për të mashtruar publikun dhe për të ndikuar në perceptimin e tij për këtë çështje.

Lexo edheKatari mohon ndërhyrjen në zgjedhjet izraelite

Deri në këtë deklaratë, pala turke nuk ka pranuar asnjë nga akuzat për ndërhyrje në procesin zgjedhor të Izraelit, duke këmbëngulur se bëhet fjalë për dezinformim.

Më shumë për këtë

Trump shqyrton mundësinë e ndërhyrjes për krijimin e një qeverie uniteti në IzraelLajme · 1 ditë më parëZgjedhjet në Izrael: Asnjë bllok pa shumicë, numërimi vazhdonMaqedoni · 2 ditë më parëZgjedhjet në Izrael, Netanyahu rrezikon të humbasë pushtetin pas vitesh në krye të venditLajme · 4 ditë më parë