Urdhri në SHBA, raketat me rreze të gjatë JASSM-ER do të përdoren në operacionet kundër Iranit

Shtetet e Bashkuara të Amerikës po vendosin pjesën më të madhe të arsenalit të tyre të raketave të ‘fshehta’ për radarët me rreze të gjatë veprimi JASSM-ER për operacione kundër Iranit.

Lajmin e ka bërë të ditur Bloomberg, duke cituar një burim të njohur me çështjen. Raketat po tërhiqen nga rezervat në Paqësor dhe zona të tjera, përfshirë kontinentin e SHBA-së, dhe po transferohen në bazat e Komandës Qendrore të SHBA-së dhe në Fairford, Britani të Madhe, sipas raportimeve. Urdhri për tërheqjen e raketave, të cilat kushtojnë afërsisht 1.5 milion dollarë secila, thuhet se u lëshua në fund të marsit.