Bashkëkryetari i VLEN-it, Izet Mexhiti, ka akuzuar BDI-në se gjatë kohës sa ishte në pushtet i ka hapur rrugë depërtimit të ndikimit serb në Maqedoninë e Veriut, përmes politikës, nëntokës dhe sektorit financiar, përcjell ZYRTARE.net
Në një reagim në rrjetet sociale, Mexhiti është ndalur te dokumenti zyrtar, i publikuar në opinion, përmes të cilit, sipas tij, qeveria e atëhershme LSDM-BDI i hapi rrugë ligjore dhe institucionale ardhjes së Alta Bankës nga Serbia në Maqedoninë e Veriut.
Ai ka rikujtuar se që në vitet 2021, 2022 dhe 2023 kishte paralajmëruar për atë që e quan depërtim të “botës serbe” në institucionet dhe shoqërinë e vendit.
Mexhiti pretendon se ky ndikim gjatë qeverisjes së BDI-së është shtrirë në tri segmente kryesore: politikisht përmes projektit “Open Balkan”, përmes nëntokës dhe mafisë së bixhozit, si dhe financiarisht përmes sektorit bankar.
Lexo edheBujar Osmani për rikthimin e Mexhitit në BDI: Të bëhemi bashkë për ta ndalur hovin e poshtërimit shqiptar“Bashkëjetesa e këtyre tre hallkave është kanceri i një shoqërie. Ndërlidhja e krimit me shtetin është kapja e shtetit vetë”, ka shkruar Mexhiti.
Ai ka akuzuar BDI-në për përgjegjësi politike në këtë proces, duke theksuar se, sipas tij, kjo parti sot paraqitet si zëri kryesor i nacionalizmit në vend dhe rajon, ndërsa në të kaluarën ka mbështetur procese që Mexhiti i lidh me ndikimin serb.
Në fund, bashkëkryetari i VLEN-it ka paralajmëruar se, sipas tij, përgjegjësitë për këto zhvillime do të pasojnë.
“Trinomi ‘Bota serbe – nëntoka serbe – banka serbe’ ngadalë po demontohet. Shoqëria do të lirohet nga pasojat e këtij trinomi kancerogjen”, ka përfunduar Mexhiti.
Komentet
Bëhu i pari që komenton.
