Që nga dje, cigaret e prodhuara nga Imperial Tobacco TKS AD Shkup, duke përfshirë markat si Rodeo, West, Jade dhe Davidoff, janë të disponueshme me një çmim të ri, i cili është rritur për 10 denarë. Pritet që edhe cigaret e prodhuesve të tjerë të pësojnë rritje të çmimeve në ditët në vijim.

Këto rritje vijnë nga Ligji i ri për akcizat, i miratuar në tetor 2023, i cili parashikon rritje vjetore të çmimeve të cigareve që nga 1 janari. Qeveria planifikon të mbledhë shtesë 13 milionë euro në vit në bazë të këtij ligji.