Shkëndija është zyrtarisht kampione në Maqedoninë e Veriut, për sezonin 2024-2025. Kuqezinjtë e Tetovës, triumfuan 2-1 në shtëpi ndaj Rabotnicki-t, për të siguruar titullin e pestë kampion në histori.
Pas një sezoni të dominuar, skuadra shqiptare ia del ta kurorëzojë me fitimin e titullit kampion, duke u shpërblyer kështu për sakrificën e madhe.
Shkëndija siguron vendin e parë dy javë para fundit të kampionatit, ndonëse diferenca me Sileksin e vendit të dytë është vetëm 4 pikë.
Megjithatë, tetovarët ndeshjen e radhës e luajnë ndaj Gostivarit, skuadër që është tërhequr nga kampionati dhe fitorja vjen në tavolinë.
Shkëndija rikthehet të fitojë titullin kampion pas katër viteve pritje, pasi i fundit u fitua në vitin 2021.
/tvklan.al
