Sulmuesi i skuadrës daneze B.93, Fisnik Isaki do ta ketë një moment të madh historik në karrierë pasiqë do jetë pjesë e skuadrës U21 të Maqedonisë së Veriut për dy ndeshjet e radhës kundër Gjeorgjisë dhe Austrisë që luhen në këtë muaj – nëntor.
Ndeshja kundër Gjeorgjisë është kualifikuese për Kampionatin Evropian dhe do të luhet në Shkup të enjten më 16 nëntor në 13.00, ndërsa miqësorja e radhës kundër Austrisë është caktuar për të martën më 21 nëntor në ora Ora 18.00 në qytetin austriak Ried.
Fisnik Isaki i bashkohet skuadrës së Maqedonisë të hënën më 13 nëntor dhe do të kthehet sërish në Danimarkë të mërkurën më 22 nëntor.
Fisniku është me prejardhje nga fshati Përshefcë – Komuna e Tearcës.
FISNIK ISAKI për portalin e klubit “b93prof.dk” ka deklaruar:
“Ndihem shumë mirë të përzgjidhem për herë të parë për kombëtaren U21 të Maqedonisë së Veriut. Është një ëndërr e realizuar për mua si lojtar.
- Reagimi im ishte një përzierje gëzimi, krenarie dhe emocioni. Nuk mund ta besoja kur mora lajmin. Është një aritje e madhe për mua.
- Mezi pres të takoj bashkëlojtarët dhe stafin e trajnerëve. Do të jetë një mundësi vërtet e mirë për të mësuar prej tyre dhe për të zhvilluar veten time si lojtar.
- Shpresoj të jem në gjendje të kontribuoj me shpejtësinë, teknikën dhe stilin tim të lojës për të synuar. Do të bëj gjithçka për ta ndihmuar ekipin të arrijë sukses.
– Synimi im personal është të jap gjithçka në fushë dhe të tregoj se e meritoj të jem pjesë e kombëtares. Do të përpiqem të bëj një ndryshim dhe të kontribuoj në suksesin e ekipit.
I gjithë klubi dëshiron ta përgëzojë Fisnik Isaki për përzgjedhjen e tij. Shpresojmë që të bëni debutimin tuaj dhe t’ju urojmë suksese në ndeshjet e ardhshme. /tetova1/
Foto: Christian Midtgaard.
