Aksident i rëndë në autostradën A94. Një vozitës (57) i një furgoni të vogël, pasditen e së martës ishte jashtëzakonisht me fat
Rreth orës 13, në afërsi të Dorfenit (rrethi Erding) në drejtim të Mynihut, vozitësi rumun, për arsye ende të paqarta, ka goditur pjesën e pasme të një maune që po lëvizte në korsinë e djathtë dhe drejtohej nga një shtetas i Maqedonisë së Veriut (36).
Përplasja ishte aq e rëndë sa pjesa e përparme e furgonit u shtyp. Sipas policisë, drejtuesi i mjetit ka pësuar lëndime mesatare dhe është dërguar në spital, transmeton portali Shtegu.
Drejtuesi i maunes ka mbetur i palënduar. Në të dy automjetet ka pasur dëme materiale rreth 33 mijë euro. Autostrada duhej të mbyllej për rreth tre orë në drejtim të Mynihut për të rikuperuar automjetet dhe për të pastruar rrugën. Trafiku u devijua.
