Kryeministri i Shqipërisë, Edi Rama, njoftoi sot në Facebook se në autostradën e re, që lidh pikën kufitare “Blato” pranë Dibrës me Tiranën, nuk do të ketë pagesë për kalimin e automjeteve.
Kryeministri i Shqipërisë, Edi Rama, deklaroi se, edhe pse autostrada është pjesë e një partneriteti publiko-privat (PPP), as qytetarët shqiptarë dhe as të huajt nuk do të paguajnë për kalimin gjatë mandatit të tij. Ai theksoi se rruga është financuar me fonde shqiptare dhe se, ndonëse në shumë vende të botës rrugët me pagesë janë të zakonshme, kjo nuk do të vlejë për “Rrugën e Arbrit” për sa kohë ai është në krye të qeverisë.
