Tregjet globale të energjisë kanë pësuar një tronditje të fortë, duke shënuar rritje drastike të çmimeve të naftës dhe derivateve. Nafta e papërpunuar e llojit Brent ka kapërcyer kufirin kritik, duke u tregtuar në kuotën e 100.66 dollarëve për fuçi me një rritje prej 6.55%, ndërsa WTI ka arritur në 91.78 dollarë për fuçi.
Ky shpërthim i çmimeve në bursa nuk do të mbetet pa pasoja. Ai paralajmëron një valë të re goditjesh financiare që do të rëndojë direkt në xhepat e qytetarëve të vendeve të Ballkanit. Rritja e çmimit të naftës, gazit dhe derivateve do të pasqyrohet zinxhir në çdo sektor — duke filluar nga kostot e transportit, rritja e çmimeve të produkteve ushqimore bazë, e deri te shpenzimet e ngrohjes dhe energjisë.
Ekspertët e ekonomisë paralajmërojnë se ky stuhishok në tregjet ndërkombëtare do të rrisë ndjeshëm koston e jetesës në rajon, duke vënë në vështirësi familjet dhe bizneset ballkanike që tashmë po përballen me pasojat e inflacionit.
