Kryeministri izraelit, Benjamin Netanyahu, ka bërë thirrje për formimin e një qeverie të gjerë kombëtare nën drejtimin e partisë Likud, duke paralajmëruar kundër një qeverie të majtë që do të mbështetej nga partitë arabe.
Gjatë deklaratave të tij, Netanyahu pretendoi se islamizmi radikal përbën një kërcënim për Izraelin, si nga jashtë, përmes Iranit dhe grupeve aleate të tij, ashtu edhe nga brenda, përmes partive islamiste që, sipas tij, mbështesin terrorizmin.
“Një qeveri e varur nga këto parti nuk do të luftojë armiqtë tanë, por do të na shkatërrojë nga brenda. Kjo është çështje jete a vdekjeje”, deklaroi Netanyahu.
Lexo edheOpozitari izraelit bën thirrje për koalicion me partitë arabe për ta larguar Netanyahun nga pushtetiKreu i qeverisë izraelite akuzoi gjithashtu liderët e bllokut të majtë se po përpiqen të krijojnë një qeveri të pakicës, e cila do të varej nga mbështetja e partive arabe. Sipas tij, një konfigurim i tillë qeverisës nuk do të ishte në gjendje të përballonte kërcënimet e sigurisë ndaj vendit.
Netanyahu pretendoi se liderët e opozitës po vendosin kushte të pamundura për të penguar krijimin e një qeverie të gjerë kombëtare, duke këmbëngulur se një qeveri e drejtuar nga Likud është alternativa më e përshtatshme për sigurinë dhe stabilitetin e Izraelit. Deklaratat vijnë në një klimë tensionesh politike në Izrael, ku partitë po përpiqen të sigurojnë mbështetjen e nevojshme për formimin e qeverisë së ardhshme, ndërsa bashkëpunimi me partitë arabe mbetet një nga çështjet më të debatueshme të politikës izraelite.
Më shumë për këtë
SHBA kërkon të zhbllokojë planin për Gazën, Tony Blair takon Netanyahun dhe Herzogun në IzraelLajme · 3 orë më parë
Dyshime për manipulimin e zgjedhjeve, shërbimi sekret izraelit kërkon hetimin e liderëve arabëLajme · 2 ditë më parë
Trump telefonon Netanyahun, në tryezë planet për sulme të reja ndaj Iranit: Mund të shkatërrojmë brenda 10 minutash…Lajme · 4 ditë më parë
Komentet
Bëhu i pari që komenton.
