Një tërmet me epiqendër në rajonin Tetovë-Gostivar është regjistruar pas mesnate, njoftoi Observatori Sizmologjik pranë Fakultetit të Shkencave Natyrore dhe Matematikore në Shkup njofton INA.
Sipas të dhënave të observatorit, tërmeti ka ndodhur në ora 00:06 dhe ka pasur magnitudë lokale prej 3.0 sipas shkallës së Rihterit.
Sipas informacioneve të deritanishme, lëkundjet janë ndjerë nga banorët e Gostivarit, Tetovës dhe zonave përreth, me intensitet prej III gradësh sipas Shkallës Evropiane Makrosizmike.
Nga Observatori Sizmologjik bëjnë të ditur se qytetarët që e kanë ndjerë tërmetin mund të kontribuojnë në hulumtimet sizmologjike duke plotësuar pyetësorin e publikuar nga institucioni.
Autoritetet nuk kanë raportuar për dëme materiale apo persona të lënduar nga tërmeti.(INA)
Komentet
Bëhu i pari që komenton.
