Irani ultimatum Trumpit: Fundin e luftës, ose përballje të re ushtarake!

Teherani i ka kërkuar Shtëpisë së Bardhë të vendosë për përfundimin e luftës në të gjitha frontet, duke paralajmëruar vazhdimin e përballjes ushtarake nëse Uashingtoni nuk pranon propozimin iranian…

Irani ka shtuar presionin ndaj administratës së Donald Trump, duke i kërkuar Shteteve të Bashkuara të zgjedhin mes përfundimit të luftës dhe vazhdimit të përballjes ushtarake.

Ministri i Jashtëm iranian, Seyed Abbas Araghchi, ka deklaruar se Teherani ka paraqitur prej dy ditësh një propozim për t’i dhënë fund konfliktit, por deri tani Uashingtoni nuk ka dhënë një përgjigje që të çojë drejt marrëveshjes.

“Amerikanët e bënë zgjedhjen e tyre. Tani është koha që Shtëpia e Bardhë të bëjë të vetën”, shkroi Araghchi në platformën X.

Lexo edheFituesi më i madh i zgjedhjeve në SHBA mund të jetë Teherani, Irani përfiton nga dobësimi politik i Trumpit

Sipas kryediplomatit iranian, propozimi mbetet në fuqi dhe përfshin përfundimin e luftës në të gjitha frontet. Nëse administrata Trump pranon kushtet, Teherani shprehet i gatshëm të ecë drejt një zgjidhjeje.

Por Araghchi ka paralajmëruar edhe pasojat e një refuzimi amerikan.

“Zgjidhja tjetër për SHBA-në është të zgjedhë luftën dhe të shohë luftëtarë të sprovuar në betejë, të cilët nuk flenë, të bien si shiu”,deklaroi ai.

Deklarata vjen në një moment kur negociatat mes Teheranit dhe Uashingtonit nuk kanë prodhuar rezultate konkrete, ndërsa të dyja palët vazhdojnë të përdorin kërcënimet ushtarake si instrument presioni.

Nga ana tjetër, Donald Trump ka deklaruar se nuk dëshiron luftë, por njëkohësisht ka paralajmëruar se SHBA-ja mund të shkatërrojë plotësisht infrastrukturën iraniane nëse e konsideron të nevojshme.

Në këtë situatë, Teherani kërkon që marrëveshja të mos kufizohet në një front të vetëm, por të përfshijë përfundimin e përgjithshëm të luftës.

Tashmë përplasja zhvendoset te vendimi i Shtëpisë së Bardhë. Trump duhet të zgjedhë nëse do të negociojë mbi propozimin iranian apo do të vazhdojë presionin ushtarak, me rrezikun e një përshkallëzimi të mëtejshëm të konfliktit.

Më shumë për këtë

Kërcënoi se do të vriste Trumpin, arrestohet 26-vjeçari venezuelian pranë Shtëpisë së Bardhë: “Zërat më urdhëruan”Lajme · 1 ditë më parëSHBA-ja në udhëkryq mes diplomacisë dhe luftës me Iranin, Trump përballet me presion për të vepruarLajme · 1 ditë më parëIrani i gatshëm ta rihapë Ngushticën e Hormuzit brenda 48 orësh, nëse SHBA pranon kushtet e TeheranitLajme · 6 ditë më parë