Kryeministri i Maqedonisë së Veriut, Hristijan Mickoski, ka deklaruar se nuk do të ketë zgjedhje të parakohshme parlamentare, pasi vendi përballet me detyrime të mëdha financiare gjatë dy viteve të ardhshme. Sipas tij, shteti duhet të sigurojë gjithsej 5 miliardë euro për shlyerjen dhe rifinancimin e borxheve.
Duke folur në një takim informues me gazetarët, Mickoski tha se vetëm gjatë vitit 2027 duhet të sigurohen 2.3 miliardë euro, ndërsa në vitin 2028 rreth 2.7 miliardë euro. Ai vlerësoi se formimi i një qeverie teknike gjashtë muaj para zgjedhjeve do të ishte veprim i papërgjegjshëm në këtë periudhë.
“Gjashtë muaj qeveri teknike do ta çojnë shtetin drejtpërdrejt drejt falimentimit. Për më tepër, kjo qeveri teknike do të funksiononte në kulmin e dimrit më të ashpër, në janar dhe ndoshta pjesërisht edhe në shkurt”, deklaroi Mickoski.
Ai sqaroi se detyrimet financiare përfshijnë borxhe të marra gjatë pandemisë, rifinancimin e borxheve ekzistuese, pagesën e interesave dhe mbulimin e deficitit buxhetor. Një pjesë e detyrimeve të vitit 2028, sipas tij, mund të bartet në vitin 2029.
Më shumë për këtë
BDI kërkon zgjedhje të parakohshme parlamentare pas fitores në BërvenicëMaqedoni · 1 javë më parë
Asgjë nga zgjedhjet e parakohshme: Kontrata e KSHZ-së për sistemin elektronik ka skaduar, zgjedhje në 2028Maqedoni · 6 ditë më parë
VLEN-i për zgjedhjet në Bërvenicë: Na treguan se vendi jonë ka ende shumë punë për të bërëMaqedoni · 1 javë më parë
Komentet
Bëhu i pari që komenton.
