Kreu i BDI-së, Ali Ahmeti sot ka mbledhur Kryesinë e Këshillit të Përgjithshëm të partisë, përcjell TV21. Nënkryetari i BDI-së, Arbër Ademi para mediave tha se protestat janë në agjendë të partisë, por që të njëjtat ende nuk janë diskutuar nga organet partiake. Ademi tha se ky është hap demokratik dhe se BDI-ja është parti shtet formuese që angazhohet për ardhmëri europiane të të gjithë qytetarëve, ndërsa theksoi se kjo nuk duhet të interpretohet si radikalizim.

“Protestat janë pjesë e agjendës së BDI-së, por ende nuk janë të shqyrtuara në organet partiake se kur dhe si do të mbahen të njëjtat, ajo që duhet të theksojmë deri tani, ka të bëjë me atë se BDI është një parti politike autonome, e cila vet në mënyrë të pavarur dhe mëvetësishme përcakton agjendën e saj politike”, tha mes tjerash Ademi./tv21.tv