Banka Popullore ka ngritur padi penale kundër katër zyrtarëve të lartë partiak të Lidhjes Socialdemokrate të Maqedonisë në lidhje me akuzat e tyre të rënda në lidhje me “Alta Banka”, të bëra publike.
Banka qendrore konfirmoi se ata kishin ngritur padi penale, pa dhënë detaje të mëtejshme.
“Banka Popullore ka paraqitur padi në Prokurorinë Themelore Publike në Shkup për shkak të deklaratave publike me akuza serioze dhe të pabazuara në lidhje me “ALTA Banka” AD Manastir”, tha shërbimi për shtyp i Bankës Popullore për televizionin Sitel.
Jozyrtarisht, Sitel njoftoi se, në dy paditë e ndara kërkohet përgjegjësi penale nga kreu i LSDM-së, Venko Filipce, nënkryetari Aleksandar Trajanovski, sekretari i përgjithshëm Sasha Dimitrijeviç dhe sekretari për bashkëpunim ndërkombëtar i partisë opozitare, Andrej Zhernovski.
Filipçe deklaroi sot se nuk ka informacion në lidhje me rapportimet për paditë.
Lexo edheFRI mohon akuzat për lidhje me vendimin e Gjykatës në Egjipt: Paralajmëron padi ndaj mediaveAkuzat u ngritën pasi kryeministri Hristijan Mickoski kërkoi publikisht në fund të javës së kaluar që Prokuroria të hapte një hetim sepse, siç tha ai, opozita po “kryen sabotim, po krijon trazira dhe po shkatërron rendin shtetëror”.
Më shumë për këtë
VLEN: Vuçiqi ra, tani duhet të zbardhen lidhjet e familjes Ahmeti me Alta BankënMaqedoni · 1 javë më parë
Banka Popullore i caktoi administratorët, Ilija Andovski u bë “njeriu i parë” i Alta BankësMaqedoni · 1 javë më parë
VENDIM URGJENT/ Banka Popullore merr kontrollin e Alta Bankës në Manastir – vendoset limit 10.000 denarë në javë për qytetarët!Maqedoni · 1 javë më parë
Komentet
Bëhu i pari që komenton.
