Lideri lëvizjes BESA, Bilall Kasami, në intervistë në Alsat tha se, Ligji për Përfaqësimin e drejtë dhe adekuat është në përpilim e sipër, ndërsa punësimi i shqiptarëve po vazhdon duke u bazuar në përfaqësimin adekuat. Ai mori si shembull Komunën e Tetovës ku tha se ditët e fundit janë bërë mbi 70 punësime, ku pjesa më e madhe kanë qenë shqiptarë.
“Ne para disa ditëve shpërndamë 78 vendime, ku vetëm një përqindje e vogël ishin maqedonas. Edhe nëpër institucionet tjera shqiptare punësimi vazhdon të bëhet, dhe në bazë të asaj që është si përfaqësim i drejtë dhe adekuatë në ato institucione, në ato institucione shiqohet si është përfaqësimi dhe ashtu bëhen punësimet”, deklaroi lideri i Lëvizjes Besa, Bilall Kasami.
Duke u referuar në analiza të bërë, Kasami ritheksoi faktin se punësimi më i madh i shqiptarëve është bërë para mekanizmit të Balancuesit, se në kohën e tij, kur potencoi edhe funksionarë të BDI-së janë punësuar si Maqedonas.
“Për më shumë, që edhe ai mekanizëm i Balancuesit është keqpërdorur, siç dihet se sekretari shtetëror në Ministrinë e Kukturës është punësuar si Maqedonas. Është problematikë komplekse, po të kishte qenë e lehtë edhe BDI do ta kishte zgjidhur me Ligj dhe nuk do të lejonte të vijë të shfuqizohet në Gjykatën Kushtetuese”, ths kryetari i Lëvizjes BESA, Bilall Kasami.
Ai shtoi se Ligji i ri për përfaqësim të drejtë dhe adekuat po punohet me kujdes me qëllim që kur të miratohet të mos ketë më kontestime.
