Maqedoni

Strugë, dyshime rreth koncesionit për ndriçimin rrugor

Autori

Autori

Portali Tetova

September 16, 2024, 01:09

Autoritetet lokale në Strugë duan ta kalojnë projektin për dhënien e ndriçimit rrugor të komunës me koncesion përmes partneritetit publiko-privat për dhjetë vitet e ardhshme, një kompanie që e njohin vetëm ata, akuzon opozita lokale. Ata dyshojnë se në lojë janë shuma milionëshe. Jozyrtarisht bëhet fjalë për kompani nga Austria.

“Prapavija është në të gjithë procedurën e paligjshme sepse gjëja e parë që bëri kryetari dhe administrata ishte njëlloj prezantimi për të takuar partner të mundshëm. Është diçka që ndodh në fund dhe është diçka që vjen pas shpalljes publike. Është procedurë klasike e tenderit në të cilën zgjidhet ofertuesi më i mirë. Ju nuk mund të sillni personin ose kompaninë që keni zgjedhur dhe më pas të bëni të gjitha procedurat e tjera. Procesi është i përzier që në fillim sepse procedura nuk është aspak ligjore dhe nuk është ashtu siç e parashikon ligji”, deklaroi Nikolla Kukunesh- Këshilltar i VMRO DPMNE-së.

Edhe pse kontrata me operatorin e mëparshëm tashmë ka skaduar, Aleanca për Shqiptarët është “pro” që ndriçimi rrugor i qytetit të mos jepet me koncesion për pesë vitet e ardhshme dhe fondet të përdoren për qëllime të tjera. Në vend të kësaj të përdoret ndriçimi ekzistues.

“Sot bartësi i këtij procesi për përgatitjen e studimit të fizibilitetit për partneritet publiko-privat për ndriçimin e qytetit të Strugës është futur në listën e zezë nga Departamenti Amerikan i Shtetit, ndër të tjera, për korrupsion të madh, gjë që krijon opinion nga ana jonë, se kjo kontratë nuk duhet të lidhet me koncesion për periudhë 10-vjeçare, me shumë prej afërsisht 10 milionë euro”, tha Lulzim Nasufi – kryetar i ASH- Strugë.

Qytetarët thonë se nuk janë të kënaqur me ndriçimin aktual të rrugëve. Gjatë vitit 2023, Struga është përballur me kufizime në ndriçimin e shkollave, duke lëvizur nëpër rrugë të errëta.

“Ne jetojmë në fshat, por duhet të ketë ndriçim, sepse tenderët janë marrë, mund të paguajë komuna, por jo ta mirëmbajë dhe ky është gabim i tyre. Ka edhe raste të tilla, kur nuk ka dritë”, u shpreh një qytetar.

“Duhet të ketë dritë. Jo vetëm këtu në qytet, por edhe në fshat, sepse ne paguajmë edhe rrymën. Por në Strugë tashmë gjithçka ka dështuar, nuk besoj se do të jetë ndonjëherë mirë”, tha një tjetër qytetar.

“Aty ku jetoj unë ka dritë, është punë e komunës, jo e jona”, deklaroi një qytetar.

Kërkuam qëndrim edhe nga këshilltarët e shumicës, por ata nuk deshën të komentojnë. Ndryshe, vendimi për miratimin e nismës për fillimin e punëve përgatitore për studimin e fizibilitetit për lidhjen e kontratës për partneritet publiko-privat për ndriçimin e rrugëve, nuk është miratuar sot në mbledhjen e Këshillit të komunës së Strugës. /Alsat.mk

Tetova1 në Youtube

Mos e humb

Champions-League-cup-2
Manchester City – Inter, derbi i Championsit sonte
Screenshot-2024-09-14-131704-750x430
Liga e parë e futbollit/ Në Çair “Super Derbi” Shkupi – Shkëndija!
egrgre
Goli i Enis Bardhit, në garë për më të mirin në UEFA Nations League 2024
ewimage-185-1024x576
U-14/ Klubi Tetova Bulls në prag për të shënuar historinë, të luajë ndeshje me Bayern Munchen
Screenshot-23-2
Granit Xhaka nominohet për Topin e Artë, këto janë fjalët emocionuese të babait të tij

Më shumë nga kategoria

ewimage-185-1024x576
U-14/ Klubi Tetova Bulls në prag për të shënuar historinë, të luajë ndeshje me Bayern Munchen
Screenshot-23-2
Granit Xhaka nominohet për Topin e Artë, këto janë fjalët emocionuese të babait të tij
IMG_9320
Taravari: Shqiptarët dhe gjuha shqipe janë 6 mijë vjetë të vjetër në këto anë
hendbollistet-e-kosoves
Fitore historike e hendbollisteve të Kosovës në Botërorin në Kinë, mposhtin thellë Indinë
IMG_4563-710x430
Imane Khelif “rrëmben” të artën në Olimpiadë
IMG_4430
Shkëndija prezanton Besart Ibraimin
Behgjet-Pacolli-600x360-1
Pacolli kundër përdorimit të “Prindi1” “Prindi 2”: Gërryejnë vlerat e familjes, të përdoren “nënë” e “baba”
Policia_12_1-720x470
Shoferë kujdes! – Së shpejti sistem i ri në komunikacion, ja çka përfshinë
Screenshot-2024-09-20-160758
Qeveria merr vendim/ Vendos masë prej 10% për produktet ushqimore
rhrthrht
Ferrari, Lamborghini, Bentley e Rolls Royce! Ja sa kushton “rent a car” i veturave luksoze në Dubai
Capture-10-1068x599
Kur do t’i hapni dyert e shkollës së Vizbegut?
policia-mk-780x439-3-750x430
Ndalohen katër persona në Kumanovë, dyshohen për vjedhje

DIASPORA