Një paciente nga Tetova, e cila iu nënshtrua masektomisë së dyfishtë, kërkon përgjegjësi nga mjekët e Klinikës së Onkologjisë dhe Radioterapisë në Shkup, të cilët para pesë viteve i kishin sugjeruar operim urgjent për shkak të dyshimit për kancer, transmeton gazeta “Sloboden Pecat”.

“Dikush duhet të mbajë përgjegjësi për heqjen e gjoksit tim për shkak të një diagnoze të rreme të kancerit.

Më thanë se duhet të operohesha menjëherë dhe kur u kthyen rezultatet e histopatologjisë pas operacionit, në indet e gjinjve të hequr kishte mastit, jo kancer”, tha 56-vjeçari me inicialet S.S nga Tetova.

Ajo thotë se ndjen zemërim dhe inat sepse besonte te sistemi dhe se Prokuroria do të bënte punën e saj.

Meqenëse prej pesë vitesh nuk ka lëvizje dhe lënda mbahet në sirtar, ajo ka rrëfyer gjithë peripecitë dhe problemin, ndërkohë apelon që të ndërmerren masa që lënda gjyqësore të mos vjetërsohet. Masektomia e dyfishtë është kryer në vitin 2018. (INA)