Drejtori i spitalit klinik të Manastirit, Aleksandar Obednikovski, pritet të japë dorëheqje nga posti i tij për arsye morale.

Dorëheqja vjen pas vdekjes së një foshnje të porsalindur dje në këtë spital.

Ministri i Shëndetësisë, Fatmir Mexhiti, dje pas vizitës që i bëri spitalit në Manastir pas vdekjes së foshnjës në spitalin e Manastirit, tha se sot do të dërgohet Inspektorati Shtetëror Shëndetësor dhe Sanitar, i përbërë nga Komisioni i inspektorëve që do të përcaktojnë shkaqet e vdekjes së të foshnjës.

Në ndërkohë sot Ministria e Shëndetësisë ka njoftuar se Inspektorati Shtetëror Sanitar Shëndetësor është duke kryer inspektim të jashtëzakonshëm.

Nga MSH thonë se komisioni ka dalë në terren dhe po mbikëqyret për përcaktimin e rrjedhës së trajtimit të të porsalindurit të vdekur.

“Njëkohësisht u formua një komision për mbikëqyrje eksperte, i përbërë nga dy mjekë specialistë gjinekologë, një neonatolog, një anesteziolog, si dhe një përfaqësues nga Ministria e Shëndetësisë”.

Drejtori i Spitalit Klinik të Manastirit, dr. Aleksandar Obednikovski, paraditen e sotme, ka “dorëzuar në Ministri dorëheqjen e parevokueshme për arsye morale”, thonë nga MSH