Anëtarët e Bordeve Drejtuese dhe Mbikëqyrëse në institucionet publike në Maqedoninë e Veriut kushtojnë rreth 2 milionë euro në vit, thuhet në raportin e Qendrës për Menaxhimin e Ndryshimeve.
Në pagesën e shumave të tyre paushall, ka një rënie nga periudha 2015-2017, kur janë paguar 2.5 milionë euro. Por kjo nuk është për shkak të uljes së tarifave të sheshta, por thjesht, ata kishin më pak seanca për shkak të pandemisë Covid-19, përcjell INA.
Numri i seancave të mbajtura nga Bordet varet nga fakti nëse anëtarët marrin një shumë fikse të përgjithshme ose mëditje për seancë.
“Aty ku ka tarifë për seancë, numri i seancave është dukshëm më i lartë, dhe numri i pikëve është dukshëm më i ulët se ku këto funksione marrin një shumë të përgjithshme”, thotë drejtoresha ekzekutive e kësaj qendre, Neda Maleska Saçmaroska.
Anëtarët e Bordit Drejtues dhe Mbikëqyrës përveç që kushtojnë shumë, nuk duan të tregojnë se çfarë pasurie kanë. Rreth 80% e zyrtarëve në shtet që nuk kanë dorëzuar pyetësorë janë anëtarë të bordeve të tilla.
