Punonjësit arsimorë nga ky muaj praktikisht do të kenë rritje të pagës prej shtatë përqind, e cila do t’i shtohet rritjes prej pesë përqind nga tetori i vitit të kaluar, që u pagua në nëntor – deklaroi kryeministri Hristijan Mickoski gjatë vizitës së sotme në Tetovë, duke iu përgjigjur një pyetjeje të gazetarëve.

– Në total, për një periudhë më të shkurtër se pesë muaj, rritja do të jetë rreth 12.35 për qind, me tendencë që, sipas marrëveshjes së arritur me sindikatat, deri në fund të mandatit të kësaj qeverie, kjo rritje të arrijë deri në 50 për qind. E gjithë kjo është rezultat i punës së palodhur të të gjithë anëtarëve të Qeverisë dhe për këtë i përgëzoj dhe i inkurajoj që të vazhdojmë me lajme pozitive për qytetarët dhe të dërgojmë mesazhe pozitive – tha kryeministri.